2024 წლის 6 სექტემბერს საქართველოს ბანკი ბიზნესის და ტურისტერის თანაორგანიზებით ბათუმში Amadeus-ის მასტერკლასი გაიმართა, სადაც სასტუმროს ბიზნესის წარმომადგენლებმა სასარგებლო რჩევები მიიღეს და ბიზნესის ციფრული განვითარების პერსპექტივებზე ისაუბრეს.

მასტერკლასს ჯოი გოში გაუძღვა, რომელიც Amadeus Hospitality-ს კომერციული დირექტორია ინდოეთის, ახლო აღმოსავლეთის, აფრიკისა და თურქეთის ბაზარზე. Amadeus საერთაშორისო კომპანიაა, რომელიც სამოგზაურო ინდუსტრიას ფარავს — აეროპორტი, რკინიგზა, სასტუმრო — და ტურისტული ტექნოლოგიებისა და გადახდის გადაწყვეტილებებს უზრუნველყოფს.

შეხვედრის განმავლობაში ჯოი გოშმა არაერთ მნიშვნელოვან თემაზე ისაუბრა, საიდანაც განსაკუთრებული ყურადღება 4 საკითხს დაუთმო, ესენია:

• მონაცემთა ანალიზი
• სწორად დაგეგმილი მარკეტინგი
• გამართული ვებსაიტი
• ფასის სტაბილურობა

მსგავს და სხვა საინტერესო საკითხებზე კი 6-7 დეკემბერს სასტუმრო ჰილტონ ბათუმში ვისაუბრებთ. შემოგვიერთდით ტურისტერი 2024-ზე.